Ylli i Spanjës dhe Barcelonës, Lamine Yamal, ka zbuluar detaje nga biseda e shkurtër që pati me Lionel Messin menjëherë pas finales së Kupës së Botës 2026, ku Spanja triumfoi ndaj Argjentinës për të fituar titullin kampion.
Pas përfundimit të ndeshjes në Nju Jork, Yamal iu afrua Messit, i cili dukej i zhgënjyer pas humbjes së Argjentinës. Dy futbollistët u përqafuan në një moment që u bë viral në rrjetet sociale, përpara se të shkëmbenin disa fjalë.
Në konferencën për media të mbajtur të hënën, 19-vjeçari u pyet për këtë takim me idhullin e tij dhe zbuloi përmbajtjen e bisedës. “Lojtari më i mirë në histori dhe dikush që e kam admiruar gjithmonë. Në fund të ndeshjes i tregova respektin tim. Ai më uroi për fitoren dhe më tha të vazhdoj të punoj fort, sepse kjo është vetëm fillimi”, deklaroi Yamal.
Momenti mes Messit dhe Yamalit është vlerësuar gjerësisht si simbolik, me shumë tifozë që e konsiderojnë sulmuesin spanjoll si një nga pasuesit më të denjë të trashëgimisë që ka lënë legjenda argjentinase në futbollin botëror.
KosovaPress