Njohja e teorisë është vetëm hapi i parë në teknologji. Në tregun e punës kërkohet që profesionistët ta zbatojnë dijen, të zgjidhin probleme, të bashkëpunojnë me ekipin dhe t’u përshtaten ndryshimeve të vazhdueshme të industrisë.
Mbi këtë parim është ndërtuar edhe programi profesional i ProED-it për Zhvillim të Softuerit, ku puna praktike zë vend qendror.
Nga koncepti te zbatimi
Programi dyvjeçar për Zhvillues të Softuerit përbëhet nga katër semestra. Në tre semestrat e parë, studentët ndërthurin teorinë me ushtrime dhe projekte praktike, ndërsa semestri i katërt i kushtohet praktikës profesionale në kompani të sektorit të TI-së.
Lexo po ashtuNga shkolla e mesme drejt teknologjisë: ProED ofron program profesional për zhvillues të softueritKjo strukturë synon ta bëjë më të drejtpërdrejtë lidhjen mes njohurive të fituara gjatë mësimit dhe zbatimit të tyre në një mjedis profesional.
Mësim përmes praktikës
Një prej parimeve të programit është “learning by practicing” – mësimi përmes praktikës. Qëllimi është që studentët jo vetëm ta kuptojnë një koncept, por edhe të dinë si ta përdorin atë.
Përmes ushtrimeve, projekteve dhe detyrave praktike, ata zhvillojnë aftësi në programim dhe në ndërtimin e zgjidhjeve softuerike. Në këtë mënyrë, përballen që gjatë studimeve me situata të ngjashme me ato që mund t’i hasin në punë.
Aftësi që shkojnë përtej kodimit
Lexo po ashtuTelex rikthehet në skenë pas më shumë se 15 vitesh në Prizren Rock & Blues FestivalPuna në teknologji nuk mbështetet vetëm në njohuritë teknike. Komunikimi, bashkëpunimi, organizimi dhe puna në ekip janë pjesë e përditshme e zhvillimit të një produkti ose shërbimi digjital.
Për këtë arsye, ProED synon që, krahas programimit, studentët të zhvillojnë edhe aftësitë e nevojshme për të funksionuar në një ambient profesional dhe për të kontribuar në punë ekipore.
Praktika profesionale si urë drejt tregut
Në semestrin e fundit, studentët angazhohen në praktikë profesionale në kompani të industrisë së TI-së. Aty mund ta shohin nga afër organizimin e punës, komunikimin brenda ekipit dhe procesin e realizimit të detyrave konkrete.
Kjo përvojë mund t’i ndihmojë t’i zbatojnë njohuritë, t’i kuptojnë më mirë përgjegjësitë e profesionit dhe ta krijojnë një pasqyrë më të qartë për drejtimin që duan ta ndjekin.
Lexo po ashtuNjë event me përmasa globale, Sunny Hill Festival zgjeron rrjetin e shitjes së biletave në botë
Nga “e di” te “di ta bëj”
Dallimi mes njohurisë teorike dhe përgatitjes profesionale qëndron te aftësia për ta kthyer dijen në veprim.
Duke kombinuar teorinë, projektet, punën në ekip dhe praktikën në kompani, programi i ProED-it synon ta krijojë pikërisht këtë kalim.
Për studentët që synojnë zhvillimin e softuerit, mësimi i kodimit është vetëm fillimi. Përgatitja vazhdon përmes praktikës, përvojës profesionale dhe aftësisë për të gjetur zgjidhje për probleme reale.