Eksperti i arsimit, Dukagjin Pupovci, ka vlerësuar se rezultatet e dobëta të Kosovës në PISA janë pasojë e problemeve të grumbulluara ndër vite dhe e moszbatimit të reformave arsimore.
Në një intervistë për RTKLive, ai tha se ndryshimet duhet të nisin që në klasat e hershme, veçanërisht në leximin me kuptim dhe bazat e matematikës, ndërsa institucionet duhet të sigurojnë mbështetje të vazhdueshme për nxënësit dhe mësimdhënësit.
Ai tha se alarmi pas publikimit të rezultateve të PISA-s zgjat dy-tri ditë, pastaj çështja shkon në harresë deri në publikimin e rezultateve të radhës.