Konsulli i përgjithshëm i Republikës së Kosovës në Milano, Rexhep Bajraktari, ka filluar zyrtarisht ushtrimin e detyrës, pas emërimit në këtë post për një mandat katërvjeçar.
Konsullata e përgjithshme e Republikës së Kosovës në Milano vazhdon angazhimin e saj në përfaqësimin e interesave të Republikës së Kosovës, ofrimin e shërbimeve konsullore për qytetarët dhe forcimin e bashkëpunimit me institucionet vendore.
Gjithashtu, stafi i Konsullatës së Përgjithshme të Kosovës është plotësuar me emërimin, Qëndresa Fazliu në pozitën e zëvendëskonsulles.
Plotësimi i stafit diplomatik dhe konsullor synon të kontribuojë në vazhdimësinë e punës institucionale dhe në ofrimin e shërbimeve sa më efikase për qytetarët e Republikës së Kosovës që jetojnë dhe veprojnë në Milano dhe në rajonet përkatëse të Italisë.