Një avion Boeing 737 i nisur nga Djerba në Tunizi bëri një ulje emergjente në aeroportin e Malpensës në Itali, rreth orës 18:00.
Sipas mediave lokale u raportua një dritare e thyer në bordin e fluturimit. Kulla e kontrollit menjëherë lëshoi një thirrje emergjence dhe protokollet e sigurisë u aktivizuan menjëherë.
Zjarrfikësit dhe automjetet e shpëtimit mbërritën në pistë. Avioni u ul në mënyrë të sigurt dhe për fat të mirë nuk pati të lënduar.