Senatori progresist amerikan Bernie Sanders deklaroi se përfundimi i luftës me Iranin dhe ndërprerja e financimit për Izraelin duhet të jenë prioritetet kryesore të shumicës së sapozgjedhur demokrate.
“Trumpi na ka përfshirë në një luftë të paligjshme dhe antikushtetuese me Iranin, e cila do të kushtojë qindra miliarda dollarë”, deklaroi Sanders në një videomesazh. “Ne duhet t’i japim fund kësaj lufte shkatërrimtare”.
Duke iu referuar luftës së Izraelit në Gaza, ai tha se demokratët “duhet të ndërpresin të gjithë financimin për qeverinë gjenocidale në Izrael” dhe “të reduktojnë ndjeshëm shpenzimet ushtarake”.
Sanders ishte senatori i parë amerikan që e cilësoi sulmin izraelit në Gaza si gjenocid, vitin e kaluar, pas disa anëtarëve të Dhomës së Përfaqësuesve që kishin bërë të njëjtin vlerësim.