Taulant Xhaka ka reaguar në mbështetje të vëllait të tij, Granit Xhakës, pasi ky i fundit sot pranoi se kishte blerë certifikatën e vaksinimit kundër COVID-19.
Në një mesazh emocional, Taulanti theksoi se të gjithë njerëzit bëjnë gabime dhe se e rëndësishme është t’i pranosh, t’i kuptosh dhe të mësosh prej tyre.
Ai gjithashtu kujtoi kontributin e madh të Granitit për Zvicrën dhe theksoi se do të qëndrojë gjithmonë pranë tij.
“Çdo njeri bën gabime. Askush nuk është i pagabueshëm!
“Por, ju lutem, mos harroni kurrë një gjë: çfarë ka bërë Granit Xhaka, vëllai im, për Zvicrën gjatë gjithë këtyre viteve. Sa zemër, pasion dhe krenari ka treguar për këtë vend dhe për këtë fanellë.
“Dhe për të gjithë gazetarët atje jashtë: ju lutem, mos e harroni as ju këtë. Edhe ju keni bërë gabime në jetën tuaj – të gjithë kemi bërë. E rëndësishme nuk është të mos bësh kurrë gabime, por t’i pranosh ato, t’i kuptosh dhe të mësosh prej tyre.
“Vëlla, jam krenar për ty.
Kam qenë pranë teje, jam pranë teje dhe do të jem gjithmonë pranë teje – pavarësisht se çfarë ndodh. Familja mbetet familje. Në kohë të mira dhe në kohë të vështira.”