Goli i parë sipas rregullit të ri të pozicionit jashtë loje, i njohur si “Rregulli i Wenger”, është shënuar në Premier Leaguen Kanadeze. Edhe pse do të ishte anuluar në çdo garë tjetër në botë, goli i Alejandro Diaz për Pacific kundër Halifax u lejua si pjesë e një zbatimi eksperimental të rregullit që mund të ndryshojë futbollin.
Trajneri legjendar francez, Arsene Wenger, i cili aktualisht shërben si kreu i zhvillimit global të futbollit në FIFA, ka propozuar një ndryshim që do ta shihte një lojtar pa pozicion jashtë loje nëse ndonjë pjesë e trupit të tij që mund të shënojë gol është në vijë me mbrojtësin e parafundit.
Kjo do të thotë se nuk duhet të ketë hapësirë të lirë midis sulmuesit dhe mbrojtësit. Pritet që futja e këtij rregulli mund të çojë në një rritje të numrit të golave të shënuar.
Rregulli ende nuk është zbatuar zyrtarisht në futbollin botëror, por Premier League Kanadeze e ka përdorur atë në mënyrë prove që nga fillimi i këtij sezoni. Ka pasur disa situata ku rregulli i ri ka qenë në lojë, por pa asnjë gol deri në ndeshjen midis Pacific dhe Halifax, e cila përfundoi në barazim 2-2.
“First ever goal from Wenger’s ‘Daylight’ rule being trialed in the Canadian Premier League. Interesting one. Video courtesy of OneSoccer/Canadian Premier League.” pic.twitter.com/MeXNft04JJ
— Simon Evans (@sgevans) April 18, 2026