Shtetet e Bashkuara kanë miratuar shitjen e 500 raketave Patriot për Ukrainën, municion kyjetik për mbrojtjen e vendit nga sulmet ajrore gjithnjë e më intensive të Rusisë.
Departamenti amerikan i Shtetit bëri të ditur se raketat përgjuese të avancuara PAC-3 do të kushtojnë 2.1 miliardë dollarë dhe do të financohen tërësisht nga aleatët e Ukrainës në Evropë dhe Kanada.
Të premten në mbrëmje, Zelensky përsëriti thirrjen ndaj SHBA-së që të përshpejtojë dërgimin e sistemeve Patriot, të cilat janë e vetmja armë efektive për rrëzimin e raketave balistike vdekjeprurëse të Rusisë.
Ky zhvillim vjen pas përplasjes mes Zelenskyt dhe presidentit amerikan, Donald Trump, në fillim të këtij muaji, kur SHBA-ja lehtësoi sanksionet ndaj Rusisë në kuadër të një marrëveshjeje për sigurimin e naftës dizel ruse.
Trump deklaroi se ishte koha që Ukraina të kishte një udhëheqës të ri për të arritur një marrëveshje që do t’i jepte fund luftës me Rusinë.
Moska nisi pushtimin në shkallë të plotë të Ukrainës në shkurt të vitit 2022, pasi më herët kishte pushtuar Krimenë dhe pjesë të Donbasit në lindje të Ukrainës.
Tensionet u zbutën pas takimit të Zelenskyt me përfaqësuesit amerikanë në Oslo, më 20 tetor, raporton BBC.