INSTITUTI HIDROMETEOROLOGJIK I KOSOVËS
(Agjencia për Mbrojtjen e Mjedisit të Kosovës)
Parashikimi i motit për javën (20–24 korrik 2026)
E hënë (20.07.2026) ☀️🌦️
🌡️ Temperaturat minimale: 13°C deri 18°C
🌡️ Temperaturat maksimale: 29°C deri 33°C
💨 Era: Do të fryjë e lehtë deri mesatare nga jugperëndimi dhe perëndimi (2–8 m/s), me përforcime të përkohshme gjatë zhvillimit të vranësirave.
🌧️ Reshjet: Paradite mot kryesisht me diell. Pasdite pritet shtim i vranësirave, me reshje lokale shiu dhe shkarkime rrufesh në disa zona të vendit.
E martë (21.07.2026) ⛅🌦️
🌡️ Temperaturat minimale: 14°C deri 17°C
🌡️ Temperaturat maksimale: 28°C deri 32°C
💨 Era: Kryesisht nga jugperëndimi dhe perëndimi, e lehtë deri mesatare (2–8 m/s).
🌧️ Reshjet: Vende-vende priten reshje shiu me karakter lokal, të shoqëruara me shkarkime rrufesh, kryesisht në orët e pasdites dhe të mbrëmjes.
E mërkurë (22.07.2026) 🌧️⛈️
🌡️ Temperaturat minimale: 13°C deri 16°C
🌡️ Temperaturat maksimale: 23°C deri 26°C
💨 Era: Nga veriperëndimi, e lehtë deri mesatare (3–9 m/s), duke sjellë depërtimin e një mase ajrore më të freskët.
🌧️ Reshjet: Mot i paqëndrueshëm. Në pjesën më të madhe të territorit priten reshje shiu, vende-vende në formë rrebeshesh, të shoqëruara me shkarkime rrufesh.
E enjte (23.07.2026) ☀️
🌡️ Temperaturat minimale: 8°C deri 11°C
🌡️ Temperaturat maksimale: 24°C deri 29°C
💨 Era: Do të fryjë nga veriu dhe verilindja, e lehtë deri mesatare (2–7 m/s).
🌤️ Reshjet: Nuk parashihen reshje. Moti do të jetë kryesisht me diell dhe me vranësira të pakta lokale.
E premte (24.07.2026) 🌦️⛈️
🌡️ Temperaturat minimale: 9°C deri 13°C
🌡️ Temperaturat maksimale: 19°C deri 24°C
💨 Era: Nga veriu dhe veriperëndimi, e lehtë deri mesatare (2–8 m/s).
🌧️ Reshjet: Në disa zona parashihen reshje lokale shiu, të shoqëruara me shkarkime rrufesh, kryesisht në orët e pasdites.
⸻
🩺 Kushtet biometeorologjike
Gjatë dy ditëve të para të javës, për shkak të temperaturave relativisht të larta dhe rritjes së lagështisë relative të ajrit para zhvillimit të proceseve konvektive, personat me sëmundje kronike kardiovaskulare dhe respiratore këshillohen të shmangin ekspozimin e zgjatur në diell gjatë orëve më të nxehta të ditës.
Nga dita e mërkurë, me depërtimin e masave më të freskëta ajrore, kushtet biometeorologjike do të përmirësohen dukshëm. Freskimi i motit do të ndikojë pozitivisht në mirëqenien e përgjithshme të popullatës, duke ulur ndjeshëm stresin termik dhe indeksin e nxehtësisë.
⸻
🌾 Kushtet agrometeorologjike
Temperaturat e larta në fillim të javës do të favorizojnë zhvillimin dhe pjekjen e kulturave bujqësore verore, por njëkohësisht do të rrisin avullimin dhe humbjen e lagështisë nga toka. Prandaj, rekomandohet ujitja e rregullt e kulturave perimore dhe pemëtore, veçanërisht në parcelat ku mungon lagështia e mjaftueshme.
🌦️ Reshjet lokale të parashikuara gjatë ditëve të hënë, të martë, të mërkurë dhe të premte do të kontribuojnë në përmirësimin e rezervave të lagështisë në shtresën sipërfaqësore të tokës, megjithëse shpërndarja e tyre do të jetë e pabarabartë.
⚠️ Gjatë zhvillimit të stuhive lokale me shkarkime rrufesh mund të ketë edhe erëra të përkohshme më të fuqishme. Prandaj, rekomandohet kujdes gjatë kryerjes së punimeve bujqësore në ambiente të hapura.
✅ Dita e enjte paraqitet si dita më e favorshme për kryerjen e aktiviteteve bujqësore, si kositja, korrja, transporti i prodhimeve dhe trajtimet fitosanitare, për shkak të motit të qëndrueshëm dhe mungesës së reshjeve