Bilanci i përmbytjeve masive që kanë goditur Nepalin është rënduar ndjeshëm. Autoritetet e vendit bëjnë të ditur se numri i viktimave ka shkuar në 903, ndërsa 4,247 persona rezultojnë të zhdukur.
Mes personave të zhdukur janë edhe 592 shtetas të huaj, sipas të dhënave të fundit të autoriteteve nepaleze.
Operacionet e kërkim-shpëtimit vijojnë në disa zona të prekura rëndë nga përmbytjet dhe rrëshqitjet e dheut. Ushtria nepaleze është angazhuar në terren për të gjetur personat që kanë mbetur të bllokuar.
“Po punojmë për kërkimin dhe shpëtimin e personave të bllokuar mes kodrave, vendbanimeve dhe zonave përgjatë lumenjve”, deklaroi gjeneralbrigade Raja Ram Basnet, zëdhënës i ushtrisë së Nepalit.