Enj. Nën 19th, 2026

Ministria e Infrastrukturës dhe policia koordinohen për sezonin dimëror, pajisjet dimërore të detyrueshme nga 15 nëntori

Ministria e Infrastrukturës dhe Transportit javën e kaluar ka mbajtur një takim koordinues me Policinë e Kosovës dhe operatorët ekonomikë përgjegjës për mirëmbajtjen e rrugëve, në kuadër të përgatitjeve për sezonin dimëror.

“Diskutuam për gatishmërinë e ekipeve në terren, gjendjen e makinerive për pastrimin e borës dhe sigurimin e sasive të nevojshme të kripës për trajtimin e ngricave. Rrugët i mirëmbajmë gjatë gjithë vitit, duke i përshtatur ndërhyrjet me kushtet e secilit sezon. Kujdesi i drejtuesve të automjeteve ndihmon në parandalimin e aksidenteve, sidomos kur ka borë e ngrica”, thuhet në njoftimin e Ministrisë së Infrastrukturës.

Nd[rsa u kujtojn[ të gjithë drejtuesve të automjeteve se pajisjet dimërore janë të detyrueshme nga 15 nëntori deri më 15 mars.

“ Para nisjes, kontrolloni gjendjen e gomave dhe gjatë udhëtimit përshtateni shpejtësinë me kushtet e rrugës”, thuhet në njoftimin e Ministrisë së Infrastrukturës

Postime të Ngjashme