Gjatë mbrëmjes së sotme do të organizohet protesta e radhës nën moton ‘’Jo në emrin tim’’.
Kjo është nata e 14-të e protestës pas vendimit të Gjykatës Speciale kundër ish-krerëve të Ushtrisë Çlirimtare të Kosovës.
Protesta nis në ora 21:00.
Theksojmë se ditën e djeshme Kuvendi i Kosovës ka miratuar deklaratën për aktgjykimin e Dhomave të Specializuara në Hagë ndaj Hashim Thaçit, Kadri Veselit, Jakup Krasniqit dhe Rexhep Selimit.
Deklarata u propozua nga Partia Demokratike e Kosovës, ndërsa teksti i saj u harmonizua nga të gjitha grupet parlamentare shqiptare dhe u votua me 99 vota pro.