Kryeministri në detyrë i Republikës së Kosovës, Albin Kurti, në kryeqytetin e Shteteve të Bashkuara të Amerikës, takoi senatoren amerikane të shtetit Michigan, Elissa Slotkin.
Gjatë takimit, kryeministri Kurti e uroi senatoren Slotkin për rizgjedhjen e saj në zgjedhjet e vitit të kaluar. Temat kryesore të bisedës përfshinë mbrojtjen, sigurinë, integrimin dhe investimet në infrastrukturë.
Kryeministri veçoi bashkëpunimin ndërmjet Kosovës dhe Shteteve të Bashkuara të Amerikës në armatimin dhe ngritjen e kapaciteteve të Forcës së Sigurisë së Kosovës, si dhe rëndësinë e mbështetjes së ShBA-së për anëtarësimin e Kosovës në NATO.
Bashkëbiseduesit diskutuan gjithashtu për aktivizmin dhe kontributin e diasporës shqiptare në Michigan dhe rolin e saj në forcimin e lidhjeve ndërmjet dy vendeve, si dhe për potencialin e saj në promovimin e investimeve të bizneseve amerikane në Kosovë.