Policia e Kosovës ka arrestuar dy persona të dyshuar për kultivim të bimëve narkotike dhe posedim të paautorizuar të narkotikëve.
Operacioni policor është zhvilluar mëngjesin e së hënës në fshatin Isniq të komunës së Deçanit, me autorizim të Prokurorisë Themelore në Pejë. Operacioni është realizuar nga Drejtoria për Hetimin e Trafikimit me Narkotikë – Njësiti Antidrogë në Pejë.
“Me autorizim të Prokurorisë Themelore në Pejë, Policia e Kosovës, Drejtoria për Hetimin e Trafikimit me Narkotikë – Njësiti Antidrogë në Pejë ka zhvilluar mëngjesin e së hënës një operacion policor në fshatin Isniq, në komunën e Deçanit.
Si rezultat i këtij operacioni, janë arrestuar dy persona, të dyshuar për veprat penale “Kultivim i bimëve narkotike” dhe “Posedim i paautorizuar i narkotikëve”.
Gjatë realizimit të urdhër kontrollit, janë sekuestruar:
– 7 bimë narktotike të kultivuara;
– 28.6 gramë substancë naroktike të llojit marihuanë dhe
– paisje të tjera, të cilat dyshohet se janë përdorur për perpunimin e substancave.
Prokuroria Themelore në Pejë, në bashkëpunim me Policinë e Kosovës, mbetet e angazhuar në parandalimin dhe luftimin e veprimtarive të kundërligjshme që lidhen me narkoktikët, me qëllim të mbrojtjes së sigurisë së qytetarëve dhe interesit publik.”, thuhet në njoftimin e përbashkët të prokurorisë dhe policisë.