Sonte, nga Aeroporti Ndërkombëtar “Adem Jashari” është nisur edhe grupi i shtatë, njëherësh edhe grupi i fundit i besimtarëve drejt vendeve të shenjta për kryerjen e haxhit.
229 besimtarë nga Drenasi, Skenderaj, Dragashi, Rajoni i Gorës, Suhareka dhe Malisheva, u përcollën sot nga familjarë të shumtë të cilët u uruan rrugë të mbarë dhe haxh të pranuar.
Nga Drejtoria e Haxhit dhe Umres e Bashkësisë Islame të Kosovës, njoftojnë se deri më tani gjithçka ka shkuar sipas planit të paraparë të fluturimeve, teksa tashmë të gjitha grupet e tjera, kanë arritur shëndosh e mirë në Meke dhe janë duke i kryer ritualet e umres.