Pas shpërndarjes së Kuvendit të Kosovës dhe vendimit që vendi të shkojë në zgjedhje të reja brenda 45-ditësh, ka reaguar ish-presidentja Vjosa Osmani.
Ajo e cilësoi situatën si një moment të vështirë për vendin, por theksoi se qytetarët e Kosovës kanë dëshmuar ndër vite se dinë të përballen edhe me sfida më të mëdha.
Osmani bëri thirrje për largim nga gjuha përçarëse dhe retorika që nxit frikë, duke theksuar nevojën për më shumë mirëkuptim dhe solidaritet. Ajo nënvizoi se përballë urrejtjes duhet të mbizotërojë dashuria, ndërsa përballë pasigurisë duhet të ndërtohet shpresa.
“Mbrëmë ka qenë një natë e rëndë për Kosovën, por ky popull ka ditur të ngritët edhe nga momente shumë më të rënda. Ka ardhur koha për dashni. Mjaftë më me propagandë, përçarje e ndjellje të frikës. Aty ku ka urrejtje duhet të sjellim dashni, aty ku ka frikë duhet të sjellim shpresë. Aty ku ka propagandë e shpifje duhet ta mbrojmë të vërtetën”, ka thënë Osmani.