Presidenti i SHBA-ve, Donald Trump, gjatë një konference për media në Shtëpinë e Bardhë, foli për raportet me liderët evropianë, përfshirë presidentin francez Emmanuel Macron dhe kryeministrin britanik Keir Starmer.
I pyetur për marrëdhëniet me ta, Trump tha se nuk ka komunikuar së fundmi, por se thotë se ka raporte të mira.
“Nuk kam folur me ta që nga postimet në rrjetin Truth Social, por mendoj se kaloj shumë mirë. Dua të them, ata gjithmonë më trajtojnë mirë. Ata bëhen paksa të ashpër, kur, e dini… nuk jam andejpari, por kur jam, më trajtojnë shumë mirë”, shtoi presidenti amerikan, raporton “The Guardian”.
Trump shtoi se i pëlqen të dy liderët, por kritikoi politikat e tyre, duke theksuar se Franca dhe Britania përballen me probleme serioze të imigrimit dhe energjisë. Ai u shpreh kundër përdorimit të energjisë së erës dhe tha se Britania duhet të shfrytëzojë më shumë pasuritë e Detit të Veriut, ashtu siç bën Norvegjia.
“Kanë potencial të madh për t’i rregulluar vendet e tyre”, përfundoi presidenti amerikan