Kryetari i Lidhjes Demokratike të Kosovës (LDK), Lumir Abdixhiku, ka reaguar ashpër ndaj Lëvizjes Vetëvendosje, duke e akuzuar atë se po tenton të ndërtojë “sisteme manipulimi të votave” në prag të zgjedhjeve.
Abdixhiku tha se VV-ja është përfshirë në “panik, sulme e histeri politike”, ndërsa akuzoi partinë në pushtet për tentativa të përsëritura “për të deformuar procesin zgjedhor”,.
Sipas tij, përpjekja e parë ka qenë “rikthimi i sistemit të vjetër të votimit me email”, të cilin ai e përshkroi si metodë të cenueshme dhe të përdorur në të kaluarën për manipulim të votave.
Abdixhiku tha se kjo u pengua nga Komisioni Qendror i Zgjedhjeve (KQZ), ndërsa theksoi se “rastet e dyshuara mbesin të depozituara në hetuesi dhe prokurori”