Kryetari i AAK-së, Ramush Haradinaj, ka mirëpritur rikthimin e ish-deputetit Gani Dreshaj në garën për Kuvendin e Kosovës, duke e konfirmuar atë në listën e Aleancës për zgjedhjet e ardhshme.
Haradinaj e cilësoi Dreshajn si një prej bashkëpunëtorëve dhe mbështetësve më besnikë të Aleancës. Ai theksoi se përkushtimi i Ganiut për Kosovën dhe diasporën është dëshmi se shqiptarët, pavarësisht ku jetojnë, mbeten të bashkuar në shërbim të vendit.
“Ganiu ka qenë dhe është besnik i Aleancës. Përkushtimi i tij i vazhdueshëm për Kosovën dhe diasporën dëshmon se nuk kemi qenë kurrë të ndarë, por të bashkuar nga çdo vend i botës për Kosovën”, u shpreh Haradinaj.
Ai shtoi se dinamizmi i Dreshajt, si në punë ashtu edhe në jetë, përbën vlerë të shtuar për Aleancën dhe për Kuvendin e Kosovës