Një tren ekspres u përplas me një tren tjetër pasagjerësh në jug të Republikës Çeke, duke lënë dhjetëra persona të plagosur.
Aksidenti ndodhi rreth orës 06:20 të mëngjesit, pranë qytetit České Budějovice. Sipas shërbimit rajonal të shpëtimit, dy persona janë në gjendje kritike për jetën, ndërsa rreth 42 të tjerë pësuan lëndime më të lehta.
Për shkak të përplasjes, transporti hekurudhor u pezullua për disa orë. Autoritetet kanë nisur hetimet për të zbuluar shkakun e aksidentit.