Një vrasje ka ndodhur të dielën në mbrëmje, rreth orës 19:30, në fshatin Pogragjë të komunës së Gjilanit. Viktima është 29-vjeçari Bajram Arifi, ndërsa i dyshuari për vrasjen është Remzi Arifi, babai i tij.
I dyshuari ndodhet ende në arrati, ndërsa Policia e Gjilanit ka konfirmuar se po zhvillon veprime intensive për lokalizimin dhe arrestimin e tij.
Vdekjen e viktimës në vendin e ngjarjes e ka konstatuar ekipi mjekësor.
Zëdhënësi i Policisë, Valon Osmani, ka bërë të ditur se, në koordinim me Prokurorin e Shtetit dhe njësitë përkatëse hetimore, po ndërmerren të gjitha veprimet e nevojshme hetimore dhe operative për kapjen e të dyshuarit dhe sqarimin e plotë të rrethanave të rastit.