Kryeministri i Kosovës, Albin Kurti, ka zhvilluar për herë të parë një takim me presidentin e Shteteve të Bashkuara të Amerikës, Donald Trump.
Takimi u zhvillua në kuadër të Javës së Nivelit të Lartë të Asamblesë së Përgjithshme të Kombeve të Bashkuara. Lajmin për takimin e ka bërë të ditur vetë Kurti përmes një postimi në Facebook.
Kurti tha se gjatë takimit e ka falënderuar presidentin Trump për nxitjen e rritjes së investimeve në fushën e mbrojtjes brenda NATO-s. Sipas tij, Kosova duhet të jetë pjesë e kësaj aleance.
Në deklarimin e tij, Kurti e cilësoi Shtetet e Bashkuara si aleatin kryesor të Kosovës, partner të pazëvendësueshëm dhe mik special të Republikës së Kosovës.
Takimi me Trumpin vjen gjatë qëndrimit të Kurtit në Shtetet e Bashkuara, ku ai mori pjesë në aktivitetet e lidhura me sesionin e 81-të të Asamblesë së Përgjithshme të Kombeve të Bashkuara. Gjatë kësaj vizite, Kurti ka zhvilluar edhe takime me përfaqësues të Kongresit amerikan, duke theksuar rëndësinë e partneritetit Kosovë-SHBA.