Kryeministri armen Nikol Pashinyan ka shpallur fitore të hershme në zgjedhjet parlamentare, ku partia e tij “Kontrata Qytetare” mori 49.81% të votave, sipas rezultateve preliminare. Zgjedhjet u panë si test i ndikimit rus në Kaukazin Jugor dhe orientimit të Armenisë drejt BE-së dhe Perëndimit, raporton AP.
Opozita e udhëhequr nga Samvel Karapetyan doli e dyta me 23.29%, mes akuzave për blerje votash që ai i mohon. Rusia ndërkohë ka rritur presionin ekonomik ndaj Jerevanit dhe ka paralajmëruar për kursin e tij pro-perëndimor.
Sipas KQZ-së, katër parti kalojnë pragun, pjesëmarrja ishte 59.97%, ndërsa partia e Pashinyanit pritet të sigurojë rreth 61 nga 105 ulëse, duke fituar shumicën për qeveri pa koalicion, por jo për ndryshime kushtetuese pa referendum.