Pekini ka ndaluar katër ligjvënës të Zelandës së Re të udhëtojnë në Kinë për një vit dhe ka kërkuar që ata të kërkojnë falje pasi vizituan Tajvanin gjatë një vizite parlamentare, sipas një mesazhi të ambasadës kineze të parë nga Associated Press.
Zelanda e Re tha se kjo është hera e parë që ligjvënësit e saj përballen me sanksione të tilla nga Kina. Pekini ka vendosur më herët masa të ngjashme ndaj ligjvënësve të tjerë për kontakte me Tajvanin, të cilin e konsideron pjesë të territorit të vet.
Katër ligjvënësit kishin vizituar Tajpein në maj, një praktikë e kryer “për dekada”, sipas autoriteteve në Uellington. Dy prej tyre refuzuan kërkesën për falje.
Sipas AP, ligjvënësve u është ndaluar hyrja në Kinë, Hong Kong dhe Makau për një vit, m”e mundësi heqjeje nëse kërkojnë falje”.
Zelanda e Re dhe Australia shprehën shqetësim, duke theksuar se ligjvënësit duhet të jenë të lirë të udhëtojnë pa presion politik.