Ish-presidentja Vjosa Osmani ishte e pranishme në Oxford, për të folur për të vërtetën historike të shtetit tonë.
Në një postim, Osmani tha se pjesëmarrja në këtë diskutim është nder i veçante dhe mundësi e mirë për të përfaqësuar Kosovën.
“Me nder të veçantë pranova ftesën për të folur në Oxford Union, një platformë me mbi dy shekuj traditë të debatit të lirë, e cila ka mirëpritur disa nga figurat më të mëdha të historisë politike, shkencore dhe shoqërore, ndër ta Winston Churchill, Ronald Reagan, Bill Clinton, Nelson Mandela, Nëna Terezë e Albert Einstein. Një traditë që e ka shndërruar këtë institucion në një hapësirë ku idetë e mëdha përballen, sfidohen dhe kontribuojnë në formësimin e debatit publik.
Të jem pjesë e këtij dialogu, përkrah një tradite të tillë intelektuale, është një nder i veçantë dhe një mundësi për ta përfaqësuar Kosovën, historinë e saj të lirisë dhe aspiratën e saj për një të ardhme të sigurt, demokratike dhe euroatlantike”, shkroi Osmani.
