Ushtarët e misionit të KFOR-it në Kosovë po zhvillojnë marshime në terrene malore, me synim përmirësimin e aftësive fizike, qëndrueshmërisë dhe gatishmërisë për përmbushjen e detyrave të tyre.
Përmes këtyre aktiviteteve, pjesëtarët e misionit stërviten për t’u përballur me sfida të ndryshme në terren dhe për të ruajtur nivelin e nevojshëm të përgatitjes operacionale.
Marshimet malore janë pjesë e aktiviteteve stërvitore që ndihmojnë në forcimin e disiplinës, koordinimit dhe bashkëpunimit ndërmjet ushtarëve, si dhe në përmirësimin e aftësisë së tyre për të vepruar në kushte të ndryshme.
KFOR-i vazhdon të realizojë aktivitete të tilla në kuadër të misionit të tij në Kosovë, me qëllim të ruajtjes së një mjedisi të sigurt dhe të qetë për të gjithë qytetarët dhe komunitetet.
Misioni i udhëhequr nga NATO-ja vepron në bazë të mandatit të përcaktuar me Rezolutën 1244 të Këshillit të Sigurimit të Kombeve të Bashkuara, duke bashkëpunuar me institucionet e sigurisë në Kosovë dhe partnerët ndërkombëtarë.