Lidhja Auto-Moto e Maqedonisë së Veriut njofton se komunikacioni në rrugët shtetërore po zhvillohet pa pengesa, ndërsa rrugët janë kryesisht të thata.
Në rrugët jashtë zonave urbane është shënuar intensitet i rritur i trafikut, por pa probleme të theksuara. Ndërkohë, në vendkalimet kufitare nuk raportohen pritje të gjata për hyrje dhe dalje nga vendi.
LAMM u bën thirrje shoferëve që të përshtatin shpejtësinë me kushtet në rrugë dhe të respektojnë sinjalistikën e trafikut. Kujdes i shtuar rekomandohet veçanërisht në rrugët që kalojnë nëpër lugina, gryka dhe përgjatë lumenjve, ku mund të ketë rrëshqitje të dheut ose gurëve.