Presidenti amerikan Donald Trump ka mbledhur në Shtëpinë e Bardhë drejtuesit e kompanive më të mëdha të teknologjisë, me fokus te zhvillimi dhe siguria e inteligjencës artificiale.
Në takim morën pjesë përfaqësues të kompanive si OpenAI, Google, Meta, Anthropic, Nvidia dhe SpaceX. Kompanitë janë angazhuar për masa të vetërregullimit në fushën e inteligjencës artificiale, përfshirë monitorimin e sistemeve, korrigjimin e problemeve dhe bashkëpunimin me auditorë të pavarur.
Në të njëjtën kohë, administrata amerikane ka shprehur mbështetje për zgjerimin e qendrave të të dhënave në Shtetet e Bashkuara, të cilat konsiderohen të rëndësishme për zhvillimin e teknologjive të inteligjencës artificiale. Zgjerimi i tyre, megjithatë, ka hapur diskutime edhe për konsumin e energjisë dhe ndikimin në komunitetet lokale.
Takimi në Shtëpinë e Bardhë vjen në kuadër të përpjekjeve për të përcaktuar rregulla më të qarta për sigurinë e inteligjencës artificiale dhe për të nxitur investimet në këtë sektor.