Juventusi po përballet me probleme të vazhdueshme në portë dhe në mbrojtje, ndërsa një statistikë shqetësuese tregon se “Bianconerët” po pësojnë shumë shpesh nga goditja e parë në portë që kundërshtarët kanë ndaj tyre në Serie A këtë sezon.
Alarmi është ndezur në kampin e Juventusit pas një serie rezultatesh zhgënjyese të dielën.
Ekipi i Luciano Spallettit u mposht 2-0 në shtëpi nga Fiorentina, ndërsa të gjitha skuadrat rivale në garën për Ligën e Kampionëve morën fitore të rëndësishme.
Napoli, Milani, Roma dhe Como fituan të gjitha të dielën, çka e ka zbritur Juventusin nga vendi i tretë në të gjashtin, duke i lënë tashmë dy pikë jashtë zonës së top katërshes para javës së fundit të sezonit.
Raportimet e së hënës pretendojnë se edhe drejtuesit e klubit kanë të ardhme të pasigurt, me Giorgio Chiellinin si të vetmin drejtues “të sigurt” për të qëndruar, por problemet nuk janë vetëm në nivel drejtuesish.
Sipas “Opta”, Juventusi ka pësuar gola në 46% të rasteve nga goditja e parë në portë që ka shkuar në drejtim të tyre në Serie A këtë sezon.
Në 35 raste, ata kanë pësuar 16 gola nga goditja e parë në portë e kundërshtarëve, një shifër më e lartë se çdo skuadër tjetër në ligë.
Kjo tregon një problem të qartë në portë dhe në mbrojtje.
E ardhmja e Michele Di Gregorios ka qenë prej kohësh në dyshim, por statistikat sugjerojnë gjithashtu një mungesë të përgjithshme stabiliteti në organizimin defensiv të skuadrës.