Donald Trump ka paralajmëruar Bashkimin Evropian se ka afat deri më 4 korrik për të zbatuar detyrimet që rrjedhin nga marrëveshja tregtare e vitit të kaluar, në të kundërt mallrat europiane do të përballen me tarifa shumë më të larta.
Deklarata erdhi pas një telefonate me presidenten e Komisionit Europian, Ursula von der Leyen, ku Trump tha se diskutuan si për tregtinë, ashtu edhe për tensionet me Iranin.
Sipas tij, të dy liderët ranë dakord se Irani nuk duhet të pajiset kurrë me armë bërthamore.
“Diskutuam për shumë tema, përfshirë unitetin tonë të plotë në bindjen se Irani nuk mund të ketë kurrë armë bërthamore. Një regjim që vret popullin e vet nuk mund të kontrollojë një bombë të aftë të vrasë miliona njerëz,” u shpreh Trump.
Ai shtoi se ka pritur që Bashkimi Evropian të respektojë angazhimet e marrëveshjes tregtare të nënshkruar në Turnberry, Scotland, të cilën e cilësoi si “marrëveshjen më të madhe tregtare të të gjitha kohërave”.