Kosovë
Sot parashikohet të mbajë mot me diell dhe vranësira, ndërsa në zona të caktuara pritet të ketë ndonjë rrebesh të izoluar, sidomos në Rrafshin e Dukagjinit.
Si pasojë e prezencës së grimcave të pluhurit saharian, në zonat me të reshura, do të përcillen me baltë.
Era do të fryjë kryesisht nga juglindja, e cila herë pas here pritet të jetë mjaft e fuqishme lokalisht, me shpejtësi prej 15-47 km/h.
Temperaturat minimale do të lëvizin prej 8 deri në 10°C, ndërsa ato maksimale prej 18 deri në 22°C.
Shqipëri
Kjo e martë do të sjellë në vendin tonë alternime të motit, me kthjellime dhe vranësira, por pa reshje shiu.
Reshjet e shiut lokale me intensitet të ulët parashikohen të jenë prezente vetëm në zonat veriore.
Temperaturat këtë mëngjes u regjistruan minimalisht 8 gradë, ndërsa gjatë ditë vlerat maksimale do të arrijnë në 29 gradë Celsius.
Era do të fryjë me shpejtësi deri 18 m/s, duke krijuar në brigjet detare dallgëzim 5 ballë.