Zëdhënësi i Qeverisë së Kosovës, Arlind Manxhuka, ka reaguar lidhur me çështjen e zbatimit të aktgjykimit të Gjykata Kushtetuese e Kosovës të vitit 2016 për pronat e Manastiri i Deçanit, duke theksuar se vendimi është zbatuar vetëm në kuadër të procesit të anëtarësimit të Kosovës në Këshilli i Evropës.
Përmes një postimi në facebook, Manxhuka tha se çështja e këtij vendimi është sqaruar qartë në mbledhjen e Qeverisë dhe në konferencën për media pas saj, në kohën kur është marrë vendimi për zbatimin e aktgjykimit, shkruan IndeksOnline.
Ai rikujtoi se në prill të vitit 2024, Asambleja Parlamentare e Këshillit të Evropës ka rekomanduar që Kosovës t’i bëhet ftesë për t’u anëtarësuar në këtë organizatë, me një shumicë të fuqishme votash.
“Në prill 2024, Asambleja Parlamentare e Këshillit të Evropës, me një votim të fuqishëm prej 82%, me ç’rast 131 ishin në favor dhe 29 kundër, i rekomandoi Komitetit të Ministrave që ta ftojë Kosovën të bëhet anëtare e plotë e organizatës. Zbatimin e aktgjykimit, tashmë të marrë nga Gjykata Kushtetuese në vitin 2016, Qeveria e Republikës së Kosovës e ka bërë vetëm në dritën e anëtarësimit në Këshillin e Evropës dhe për asgjë tjetër.”, ka shkruar Manxhuka.
Ai ka theksuar se zbatimi i aktgjykimit të vitit 2016 nga Qeveria e Kosovës është bërë vetëm në funksion të anëtarësimit në Këshillin e Evropës dhe për asnjë arsye tjetër.
Manxhuka gjithashtu përmendi raportin e raportueses për Kosovën në këtë organizatë, Dora Bakoyannis, e cila në mars 2024 kishte konfirmuar se Kosova i kishte përmbushur të gjitha kushtet për anëtarësim pas zbatimit të aktgjykimit të Gjykatës Kushtetuese lidhur me Manastirin e Deçanit.
“Siç dihet, pas vendimit, në mars të vitit 2024, raportuesja Dora Bakoyannis shpërndau raportin e saj, ku konfirmoi që Kosova, pas zbatimit të aktgjykimit të Gjykatës Kushtetuese lidhur me çështjen e Manastirit të Deçanit, ka plotësuar të gjitha parakushtet për anëtarësim dhe duhet të ftohet të bëhet anëtare e plotë e Këshillit të Evropës, pa parakushte shtesë.”, thuhet në reagimin e tij.
Zëdhënësi i Qeverisë shtoi se që nga fillimi i mandatit të qeverisë së dytë të kryeministrit Albin Kurti në mars 2021, ambasadorët e vendeve të Quint-it dhe ministri për Komunitete dhe Kthim, Nenad Rashiq, kanë kërkuar zbatimin e këtij vendimi.
Manxhuka sqaroi se ajo që ministri Rashiq ka ngatërruar është pranimi i kërkesës së tij për vizitën e Patriarkut të Kishës Ortodokse Serbe, Porfirije, për festën e Krishtlindjeve ortodokse në vitin 2023.
“Ajo çka ka ngatërruar ministri Nenad Rashiq është pranimi i kërkesës së tij për vizitë të Patriarkut Porfirije, për Krishtlindjet ortodokse të vitit 2023, siç mund ta shihni në fotografinë më poshtë”, ka shkruar Manxhuka.
Kliko ketu per postimin e plote