Tre gra shtetase të Serbisë janë ndaluar nga policia në fshatin Qirikoviq të Leposaviqit, pasi dyshohet se kishin kaluar ilegalisht kufirin.
Sipas raportit të policisë, të tre personat janë shoqëruar në stacion policor për procedura të mëtejshme. Me vendim të prokurorit, njëra nga të dyshuarat është dërguar në mbajtje, ndërsa dy të tjerat janë liruar.
Policia ka nisur hetimet për këtë rast dhe paralajmëron se kontrolli i kufirit do të vazhdojë në mënyrë rigoroze.
“KALIM ILEGAL I KUFIRIT
Qirikoviq, Leposaviq 21.11.2025 – 14:20. Janë shoqëruar në stacionin policor tri femra shtetase të Serbisë, pasi që kishin kaluar ilegalisht kufirin. Me vendim të prokurorit njëra nga të dyshuarit është dërguar në mbajtje, ndërsa dy të tjerat janë liruar”, thuhet në raportin 24-orësh të policise