Spanja ka ndaluar avionët ushtarakë të lidhur me operacionet SHBA–Izrael ndaj Iranit që të përdorin hapësirën e saj ajrore, raporton gazeta spanjolle El Pais, sipas Newsweek.
Qeveria e kryeministrit Pedro Sanchez ka mbyllur gjithashtu përdorimin e bazave ushtarake në Rota dhe Moron për avionët amerikanë dhe ka refuzuar planet e fluturimeve të lidhura me sulmet në Iran, duke e quajtur konfliktin “luftë të paligjshme”.
SHBA ka reaguar ashpër, me presidentin Donald Trump që kërcënoi Spanjën me ndërprerje të tregtisë, ndërsa Shtëpia e Bardhë dhe Madridi kanë dhënë deklarata kontradiktore për bashkëpunimin ushtarak.
Irani thotë se ka bllokuar tankera dhe anije mallrash të lidhura me SHBA-në, Izraelin ose aleatët e tyre që të kalojnë të sigurt nëpër ngushticë. Trafiku detar ka rënë me 90 për qind, ndërsa çmimet globale të karburantit janë rritur dhe tregjet e aksioneve janë luhatur, duke rritur presionin mbi SHBA-në për të zhbllokuar situatën.