Shteti serb ka liruar ish-policin e Njësisë Speciale, Arbnor Spahiun.
Lajmin e ka konfirmuar babai i Arbnorit, Fatmiri.
“Po, është e vërtetë [që e kanë liruar]. Në shtëpi është” tha shkurtimisht ai.
Arbnor Spahiu u arrestua më 7 qershor të këtij viti nga policia serbe, në pikën kufitare duke hyrë nga Hungaria për në Serbi.
Autoritetet e drejtësisë në Serbi i kishin dhënë fillimisht Arbnor Spahiut 1 muaj paraburgim, duke ia vazhduar pastaj disa herë këtë masë nën akuzën për vrasje të rëndë.
Autoritetet në Serbi e kanë akuzuar Arbnor Spahiun për vrasje në rastin Banjska, që kishte ndodhur në veri të vendit në vitin 2023, ku kishte mbetur i vrarë edhe polici Afrim Bunjaku.