Numri i personave 100 vjeç ose më të moshuar në Japoni ka kaluar për herë të parë shifrën 100 mijë.
Shifra më 1 shtator u rrit me 7.914 krahasuar me një vit më parë, duke arritur një rekord prej 107.677 personash dhe duke shënuar rritjen e 56-të vjetore radhazi, raportoi “Kyodo News” duke cituar të dhënat e Ministrisë së Shëndetësisë, Punës dhe Mirëqenies.
Gratë përbënin 87,6 për qind të personave mbi 100 vjeç në Japoni.
Sipas “Kyodo News”, 54.294 persona të tjerë pritet të mbushin 100-vjeç gjatë vitit fiskal 2026, një rritje prej 1.984 personash krahasuar me vitin e kaluar.
Japonia kishte mesatarisht 87,51 persona mbi 100 vjeç për çdo 100 mijë banorë.
Fuyo Kishimoto, një banore 114-vjeçare e Kiotos, e lindur më 20 dhjetor 1911, është gruaja më e moshuar në Japoni ndërsa Hikaru Kato, 112-vjeç, nga Kumamoto, i lindur më 2 maj 1914, është burri më i moshuar në vend.
Japonia kishte vetëm 153 persona mbi 100 vjeç në vitin 1963, kur filloi mbledhja e të dhënave. Numri i tyre kaloi 1.000 në vitin 1981, 10 mijë në vitin 1998 dhe 50 mijë në vitin 2012. Jetëgjatësia mesatare në Japoni në vitin 2025 ishte 87,33 vjet për gratë dhe 81,35 vjet për burrat.