Pas një mosmarrëveshjeje në komunikacion, një person i dyshuar ka sulmuar fizikisht dy persona në Mitrovicën e Veriut.
Lidhur me këtë rast janë deklaruar edhe nga ana e Policisë së Kosovës.
Sipas policisë në lidhje me rastin është arrestuar një person i dyshuar N.B. (39 vjeçar), i cili dyshohet se ka sulmuar fizikisht dy persona (baba e bir).
Po ashtu sipas policisë është bërë e ditur se viktimat kanë pranuar trajtim mjekësor dhe me pas janë liruar.
Me urdhër të prokurorit kujdestar, ndaj të dyshuarit është iniciuar rasti “Lëndim i lehtë trupor” dhe i njëjti është dërguar në mbajtje për 48 orë.