Policia e Kosovës ka arrestuar një person në fshatin Dumnicë e Poshtme, Podujevë, pasi në një sipërfaqe rreth 1 hektar me misër u gjetën të kamufluara 1769 bimë narkotike, të dyshuara si kanabis, transmeton IndeksOnline.
Gjatë kontrollit, njësitet policore kanë konfiskuar edhe një peshore të madhe, një sasi marihuanë, 3 shirita, një paketim foli si dhe një masë të dyshuar eksploziv TNT, të cilën e ka marrë në kontroll njësia e deminimit.
Sipas raportit zyrtar, bimët janë asgjësuar në vendngjarje, ndërsa i dyshuari është dërguar në mbajtje me vendim të prokurorit.
Ky aksion u zhvillua në orët e para të 21 shtatorit 2025, në kuadër të luftës kundër kultivimit dhe shpërndarjes së narkotikëve