Ushtarët nga Njësia e Specializuar Shumëkombëshe (MSU) e misionit KFOR zhvilluan ushtrime të Betejës së Afërt në bazën MSU në Prishtinë.
Trajnimi i rregullt siguron që trupat të ruajnë gatishmëri të lartë operacionale dhe të jenë në gjendje të përgjigjen shpejt dhe në mënyrë efektive ndaj çdo sfide të mundshme sigurie, thuhet në njoftimin e KFOR-it.
Ushtrime të tilla nxjerrin në pah bashkëpunimin dhe ndërveprimin e fortë midis personelit, duke mbështetur misionin e vazhdueshëm të KFOR-it për të ruajtur një mjedis të sigurt në të gjithë Kosovën.