Është duke vazhduar intervistimi i disa personave në Gjilan në lidhje me manipulimin e rezultatit të zgjedhjeve të parakohshme që u mbajtën, më 28 dhjetor të 2025-s.
Ndonëse raportohet për intervistimin e të paktën 65 komisionerë nga komuna e Vitisë, megjithatë, zëdhënësi i policisë për rajonin e Gjilanit, Ismet Hashani është rezervuar të japë numra.
“Jemi në proces të intervistimit në kordinim me prokurorin e shtetit të personave të dyshimtë të qendrës komunale të votimit në Viti, lidhur me veprën penale ‘Falsifikim i rezultateve të votimit’. Për ecurinë e hetimit të këtyre rasteve do të ju njoftojmë me kohë“, tha Hashani.