Deputetja e LDK-së, Janina Ymeri ka parashtruar pyetje për Korporatën Energjetike të Kosovës, lidhur me raportimet se të gjitha blloqet e termocentralit Kosova A kanë dalë jashtë funksionit.
“Pyetje për Korporata Energjetike e Kosovës Sh.a/ KEK Sh.a. Çfarë po ndodh në Termocentralin A?!”, ka pyetur deputetja përmes llogarisë së saj në Facebook.
Ajo shton se sipas ‘Entsoe’ të gjitha blloqet e termocentralit A kanë zero gjenerim.
Tutje, ajo theksoi se sa më parë duhet informim për gjendjen teknike ose ndryshime në raportim.
Nuk dihet nëse ka ndryshuar diçka në raportimet e KEK-ut, apo çka ka çuar deri në këto grafikone te “TransparencyPlatform”.