Irani goditi një bazë ushtarake që strehon trupat britanike, amerikane dhe australiane në Emiratet e Bashkuara Arabe, gjatë sulmeve në të gjithë Gjirin.
Një raketë goditi bazën ajrore “Al Minhad”, ku Mbretëria e Bashkuar mban një strukturë të përhershme ushtarake, në mëngjesin e së mërkurës.
Kryeministri australian, Anthony Albanese, tha se predha shkaktoi “dëme të vogla” në një bllok akomodimi.
Më shumë se 100 pjesëtarë të personelit ushtarak australian janë të vendosur në “Al Minhad”.
Albanese konfirmoi se i gjithë stafi australian ishte i sigurt pas sulmit në bazë, e cila operohet nga Emiratet e Bashkuara Arabe dhe funksionon si selia ushtarake e Australisë – për Lindjen e Mesme.
Ai nuk mundi të konfirmonte nëse Teherani e shënjestroi drejtpërdrejt bazën “Al Minhad”, megjithatë pohoi se Australia nuk ishte në luftë.