Ka filluar rindërtimi i plotë i rrugës ‘Ulëza’ e cila lidh Hajvalinë me lagjen Prishtina e Re.
Lajmin e ka bërë të ditur drejtori i Infrastrukturës në Komunën e Prishtinës, Sokol Havolli.
Ai tha se projekti përfshin trajtimin e plotë të instalimeve nëntokësore dhe të vetë rrugës.
“Kemi filluar rindërtimin e plotë të rrugës Ulëza që lidhë Hajvalinë me Prishtinën e Re.
Ky projekt trajton plotësisht instalimet nëntokësore dhe rrugën.
Infrastruktura në Kryeqytet po zhvillohet me ritme të larta, me cilësi të lartë e me funksionalitet”, ka shkruar Havolli”