Më 22 nëntor 2025, me ftesë të kryetarit të ALKIG-ut, Vahidin ef. Behlulit, njëherësh kryetar i këshillit të xhamisë, drejtori për Diasporë në Bashkësinë Islame të Kosovës, Ekrem ef. Simnica, mori pjesë në mbrëmjen humanitare për blerjen e xhamisë në qytetin Perg të Austrisë.
Në këtë organizim morën pjesë figura të rëndësishme të jetës fetare nga bashkësitë islame të vendlindjes dhe diasporës, duke dëshmuar nivelin e lartë të angazhimit dhe unitetit të komunitetit shqiptar mysliman në Evropë.
Drejtori Simnica, pasi përshëndeti të pranishmit, përcolli përshëndetjet dhe urimet në emër të Bashkësisë Islame të Kosovës, institucioneve udhëheqëse të saj dhe Myftiut Naim ef. Tërnava, si dhe më pas foli për vlerën e xhamive në diasporë. Ai theksoi se kush kontribuon për këto shtëpi të Allahut, në fakt po ndërton një fortifikatë për fenë dhe identitetin e vet në këtë botë dhe një pallat për veten e tij në Ahiret.
Në fund, ai i uroi përzemërsisht kryetarin e xhamisë në Perg, Vahidin ef. Behlulin, Kryesinë dhe xhematin për blerjen e kësaj xhamie, duke shpresuar që ajo të bëhet pikë bashkimi, uniteti dhe fuqizimi shpirtëror për komunitetin shqiptar në Perg të Austrisë.
Edhe kësaj radhe, shqiptarët e Pergut, të Austrisë dhe nga mbarë bota dëshmuan zemërgjerësinë, përgjegjësinë dhe gatishmërinë e tyre për të kontribuar për shtëpitë e Allahut.
Gjithashtu, gjatë qëndrimit në Austri, së bashku me drejtorin e diasporës në BFI-së së Maqedonisë së Veriut, Mafiz ef. Rrustemi, shfrytëzuan rastin për të vizituar edhe dy qendra të tjera islame: “Bashkimi” në Linz dhe “Horizonti” në Wels, ku u takuan me imamët dhe kryetarët e këtyre xhamive.
Drejtori për Diasporë në Bashkësinë Islame të Kosovës, Ekrem ef. Simnica merr pjesë në mbrëmjen humanitare për blerjen e xhamisë në qytetin Perg të Austrisë
