Sport

Delegohen gjyqtarët për xhiron e 13-të të Superligës së Kosovës

Radio Dodona Nën 6, 2025 Pa Komente

Federata e Futbollit e Kosovës ka bërë të ditur emrat e gjyqtarëve që do të drejtojnë ndeshjet e fundjavës në Superligën e Kosovës në futboll.

Vëmendje të veçantë ka marrë mosdelegimi i gjyqtarit Genc Nuza, i cili nuk është caktuar në asnjërën nga katër ndeshjet që do të zhvillohen këtë xhiro.

Në ndeshjen Llapi – Prishtina e Re, gjyqtar kryesor do të jetë Dardan Çaka, ndërsa Granit Hyseni dhe Drilon Rexhepi do të jenë asistentët e tij.

Takimin Drenica – Ballkani do ta referojë Mentor Ajeti, me ndihmën e Bujar Selimajt dhe Zgjim Rrahimit.

Në përballjen Malisheva – Gjilani, drejtësinë do ta ndajë Alban Shala si gjyqtar kryesor, ndërsa asistentë do të jenë Fatmir Sekiraqa dhe Bekim Rama.

Ndërkaq, ndeshjen Ferizaj – Dukagjini do ta gjykojë Gramos Shala, i shoqëruar nga Alban Ejupi dhe Enis Bejtullahu si asistentë.

Drita sonte ka punë me kampionin e Irlandës në UEFA Conference League

Radio Dodona Nën 6, 2025 Pa Komente

Skuadra kosovare, Drita FC sonte luan ndeshjen e tretë në UEFA Conference League dhe si kundërshtar ka Shelbourne FC.

Ndeshja zhvillohet në Irlandë nga ora 21:00.
Skuadra e Shelbourne në dy ndeshjet e para ka grumbulluar vetëm një pikë, kurse kampioni i Kosovës ka dy pikë, në dy barazime, ndaj Omonoa dhe KuPS-it.

Djelmoshat e Zekirija Ramadanit nuk janë të gjithë gati, sulmuesi Veton Tushës – i cili ishte lënduar në ndeshjen e parë të këtij kompeticioni, poashtu mungojnë edhe dyshja tjetër e sulmit: Arb Manaj dhe Blerim Krasniqi.

Trepça pëson humbje nga PAOK-u në momentin e fundit

Radio Dodona Nën 5, 2025 Pa Komente

Kampionia e Kosovës në basketboll, Trepça, humbi sonte në përballjen me PAOK-un, ndeshje e vlefshme për FIBA Europe Cup.

Në momentet e fundit, mitrovicasit nuk ia dolën dhe dueli u mbyll me rezultat 75-77.

Skuadra kosovare nuk ka fituar asnjë duel në edicionin e sivjetshëm të FIBA Europe Cup deri tani, ndërsa nga ana tjetër, grekët kanë pasur dy fitore e një humbje.

Drita shtynë ndeshjen me Prishtinën për një arsye interesante

Radio Dodona Nën 5, 2025 Pa Komente

Skuadra e Dritës ka shtyrë ndeshjen ndaj Prishtinës, në Superligë, që ishte e paraparë të zhvillohet të hënën.

Arsyeja është se skuadrës nga Gjilani i ka ardhur ftesa për dy lojtarë për ndeshjet ndërkombëtare,
Bëhet fjalë për Faton Malokun, që është ftuar për ndeshjet e Kosovës dhe për Ibrahim Salfiu që është ftuar te Kombëtarja e Beninit.

“Klubi Drita u uron suksese të dy lojtarëve tanë në përfaqësimin e vendeve të tyre dhe do të njoftojë me kohë për datën e re të zhvillimit të ndeshjes”, shkruhet në njoftimin e klubit

Mësohet identiteti i futbollistit, i cili u kërcënua me armë nga një agjent

Radio Dodona Nën 5, 2025 Pa Komente

Futbolli u trondit nga lajmi se një yll i Premierligës ishte kërcënuar me vdekje nga një agjent i futbollit.

Ngjarja kishte ndodhur në shtator, por nuk ishte bërë publike deri tani.

Po ashtu është mësuar edhe identiteti i futbollistit të cilit i ndodhi kjo ngjarje e tmerrshme.

Ai është mbrojtësi italian i Tottenhamit, Destiny Udogie në të cilin i është drejtuar arma nga agjenti futbollistik, emri i të cilit nuk është bërë i ditur ende.

Policia britanike tashmë ka arrestuar të dyshuarin, ku dhe po hetojnë rastin

Sllovenia publikon listën për ndeshjet ndaj Kosovës dhe Suedisë

Radio Dodona Nën 4, 2025 Pa Komente

Kombëtarja e Sllovenisë ka publikuar listën për ndeshjet e mbetura kualifikuese në Botërorin e vitit 2026.

Sllovenët, do t’i kenë dy ndeshje atë ndaj Kosovës dhe Suedisë, ndeshje këto të cilat mund të përcaktojnë fatin në grupin B.Sllovenia, zhvillon në Lubjanë ndeshjen ndaj Kosovës më 15 nëntor dhe ndaj Suedisë në Solna, 3 ditë më pas.