Lajme nga Bota

“Reagojmë ashpër nëse i ekzekutoni protestuesit”/ Trump me paralajmërim për Iranin

Radio Dodona Jan 14, 2026 Pa Komente

Mbi 2.400 persona të vrarë gjatë shtypjes së protestave, sipas organizatave të të drejtave të njeriut

Presidenti amerikan Donald Trump ka paralajmëruar se Shtetet e Bashkuara do të ndërmarrin “veprime shumë të forta” kundër Iranit nëse autoritetet iraniane ekzekutojnë protestuesit e arrestuar gjatë demonstratave masive antiqeveritare.

Sipas organizatave për të drejtat e njeriut, mbi 2.400 protestues janë vrarë nga forcat iraniane të sigurisë gjatë shtypjes së dhunshme të protestave që kanë përfshirë gjithë vendin.

Familjarë të 26-vjeçarit Erfan Soltani, i arrestuar javën e kaluar, i kanë thënë BBC Persian se ai pritet të ekzekutohet të mërkurën. Organizata Hengaw për të Drejtat e Njeriut ka konfirmuar se rasti i tij është trajtuar me një shpejtësi të pazakontë nga gjykatat iraniane.

“Nëse i ekzekutojnë, do të shihni veprime shumë të forta nga ana jonë,” deklaroi Trump për CBS News. Ai shtoi se administrata amerikane po mbledh të dhëna të sakta mbi numrin e viktimave dhe do të veprojë në përputhje me situatën.

Agjencia amerikane HRANA njofton se ka konfirmuar deri tani vrasjen e 2.403 protestuesve, përfshirë 12 fëmijë, si dhe arrestimin e mbi 18.400 personave. Një zyrtar iranian i tha Reuters se rreth 2.000 persona janë vrarë, duke fajësuar “terroristët”.

Protestat kanë shpërthyer pas rënies së monedhës iraniane dhe rritjes së ndjeshme të kostos së jetesës dhe janë përhapur në rreth 180 qytete dhe qyteza në të gjitha provincat e vendit. Demonstratat janë shndërruar shpejt në kërkesa për ndryshim politik dhe konsiderohen si sfida më e madhe për regjimin iranian që prej Revolucionit Islamik të vitit 1979.

Situata mbetet e paqartë për shkak të bllokimit pothuajse total të internetit dhe komunikimeve. Pamje të publikuara në rrjetet sociale tregojnë qytetarë që kërkojnë trupat e familjarëve të tyre në qendrat mjekoligjore të Teheranit.

Shefi i të drejtave të njeriut në OKB, Volker Türk, u ka bërë thirrje autoriteteve iraniane të ndalojnë menjëherë dhunën ndaj protestuesve paqësorë dhe të rikthejnë aksesin në internet.

Protestuesit në disa qytete kanë brohoritur slogane kundër udhëheqjes iraniane, duke kërkuar ndryshim politik.

Trump: Vazhdojeni protestën, ndihma po vjen!

Radio Dodona Jan 13, 2026 Pa Komente

Presidenti i ShBA-së, Donald Trump ka reaguar pas protestave në Iran.

Ai u ka bërë thirrje demonstruesve në Iran që të “Vazhdojnë të protestojnëË”.

Si rezultat i dhunës kundër protestuesve, Trump thotë se ka “anuluar të gjitha takimet me zyrtarët iranianë” deri në kohën kur të ndalet shtypja.

Presidenti amerikan shton: “NDIHMA ËSHTË RRUGËS!”

Postimi i plotë: “Patriotë iranianë, VAZHDONI TË PROTESTONI – MERRNI NË KONTROLLIM INSTITUCIONET TUAJA!!! Regjistroni emrat e vrasësve dhe abuzuesve. Ata do të paguajnë një çmim të lartë. Kam anuluar të gjitha takimet me zyrtarët iranianë derisa të NDALOJË vrasja e pakuptimtë e protestuesve. NDIHMA PO VJEN”.

Zyrtari iranian thotë se 2 mijë persona janë vrarë në trazira

Radio Dodona Jan 13, 2026 Pa Komente

Rreth 2 mijë persona, përfshirë personelin e sigurisë, janë vrarë në protesta në Iran, tha një zyrtar iranian të martën, hera e parë që autoritetet kanë pranuar numrin e lartë të vdekjeve nga një shtypje intensive e dy javëve të trazirave mbarëkombëtare.

Zyrtari iranian, duke folur për Reuters-in, tha se ata që ai i quajti terroristë ishin pas vdekjes së protestuesve dhe personelit të sigurisë. Zyrtari nuk dha një pasqyrë të përgjithshme se kush ishte vrarë.

Trazirat, të shkaktuara nga kushtet e vështira ekonomike, kanë qenë sfida më e madhe e brendshme për autoritetet iraniane për të paktën tre vjet dhe vijnë mes presionit ndërkombëtar në rritje pas sulmeve izraelite dhe amerikane vitin e kaluar, raporton Reutersi.

Autoritetet klerike të Iranit, në pushtet që nga Revolucioni Islamik i vitit 1979, janë përpjekur të ndjekin një qasje të dyfishtë ndaj demonstratave, duke i quajtur protestat për problemet ekonomike të ligjshme, ndërsa kanë zbatuar një shtypje të ashpër sigurie. Ata kanë akuzuar SHBA-në dhe Izraelin për nxitje të trazirave dhe thanë se njerëz të paidentifikuar që ata i quajnë terroristë kanë rrëmbyer protestat.

Një grup i të drejtave të njeriut kishte identifikuar më parë qindra njerëz të vrarë dhe tha se mijëra ishin arrestuar.

SHBA paralajmëron qytetarët amerikanë: Largohuni menjëherë nga Irani

Radio Dodona Jan 13, 2026 Pa Komente

Departamenti Amerikan i Shtetit dhe Ambasada Virtuale në Teheran kanë lëshuar një paralajmërim urgjent për qytetarët amerikanë në Iran, duke i nxitur ata të “largohen menjëherë” për shkak të protestave në rritje në të gjithë vendin, dhunës dhe mbylljes së internetit.

Paralajmërimi u lëshua të hënën, ndërsa Irani hyri në javën e tretë të demonstratave antiqeveritare, me qindra të vdekur dhe mijëra arrestime, sipas grupeve të të drejtave të njeriut dhe mediave. Kjo thirrje urgjente për t’u larguar nga Irani nxjerr në pah rreziqet në rritje mes trazirave të vazhdueshme civile në vendin e Lindjes së Mesme, shkruan A2 CNN.

Shtetet e Bashkuara nuk kanë ambasadë ose konsullatë në Iran.

Ambasada zvicerane në Teheran ofron vetëm shërbime emergjente dhe asistenca e rregullt konsullore nuk është e disponueshme. Shtetasit e ndaluar amerikanë, veçanërisht ata me shtetësi të dyfishtë, rrallë marrin ndihmë nga jashtë.

Ndërkohë, Presidenti i SHBA-së, Donald Trump, po shqyrton mundësi të ndryshme diplomatike me Iranin, ndërkohë që po shqyrton edhe një sulm ushtarak për të penguar udhëheqësit iranianë të vrasin më shumë protestues. Pentagoni, raporton Nju Jork Times, po i paraqet Trump një gamë më të gjerë opsionesh sulmi sesa është raportuar më parë, raporton A2 CNN.

Objektivat e mundshëm përfshijnë programin bërthamor të Iranit, me veprime që do të shkonin përtej sulmeve ajrore amerikane që e shënjestruan atë në qershor, dhe vendet e lëshimit të raketave balistike, sipas një zyrtari amerikan.

Megjithatë, opsionet më të mundshme, sipas burimeve të mediave ndërkombëtare, do të ishin një sulm kibernetik ose një sulm ndaj aparatit të sigurisë së brendshme të Iranit, i cili po përdor forcë vdekjeprurëse kundër protestuesve. Çdo sulm i pritshëm mund të provokojë një hakmarrje të fortë nga Irani. Trump pritet të informohet mbi opsionet e ndryshme sot.

Trump “prezanton veten” si president edhe të Venezuelës

Radio Dodona Jan 12, 2026 Pa Komente

Presidenti amerikan Donald Trump ka postuar një imazh “duke e prezantuar veten presidenti në detyrë i Venezuelës”.

Dhe ky veprim vjen disa ditë pasi forcat amerikane kapën ish-presidentin e kombit të Amerikës së Jugut, Nicolás Maduro.

Postimi, i bërë në platformën e tij Truth Social të dielën, e listoi titullin si në fuqi nga janari 2026, duke përforcuar qëllimin e deklaruar të Trumpit për të mbikëqyrur vendin gjatë një periudhe kalimtare.

Imazhi vjen pas operacionit ushtarak amerikan të 3 janarit në Karakas që rezultoi në kapjen e Maduros dhe gruas së tij, Cilia Flores, të cilët tani përballen me akuza për drogë dhe armë në një gjykatë të Nju Jorkut.

Pas operacionit, zëvendëspresidentja e Maduros, Delcy Rodríguez, u betua si presidente e përkohshme.

Administrata “Trump” ka deklaruar se synon të “drejtojë” Venezuelën dhe asetet e saj jetësore të naftës gjatë këtij transicioni.

KLIKO KETU PER POSTIMIN E PLOTE

Trump thotë se do të flasë me Musk për rivendosjen e internetit në Iran

Radio Dodona Jan 12, 2026 Pa Komente

Presidenti i ShBA-së, Donald Trump, tha të dielën se planifikon të flasë me miliarderin Elon Musk në lidhje me rivendosjen e internetit në Iran, ku autoritetet kanë ndërprerë shërbimet për katër ditë për shkak të protestave të vazhdueshme antiqeveritare.

“Ai është shumë i mirë në këtë lloj gjëje, ka një kompani shumë të mirë”, u tha Trump gazetarëve në përgjigje të një pyetjeje nëse do të angazhohej me kompaninë SpaceX të Musk, e cila ofron një shërbim interneti satelitor të quajtur Starlink që është përdorur në Iran, shkruan Reuters.

Musk dhe SpaceX nuk iu përgjigjën menjëherë një kërkese për koment.

Fluksi i informacionit nga Irani është penguar nga një ndërprerje e internetit që nga e enjtja, mes protestave më të gjera kundër establishmentit klerikal të vendit që nga viti 2022.

Musk dhe Trump kanë mbajtur një marrëdhënie të vazhdueshme, pasi miliarderi ndihmoi në financimin e fushatës fituese presidenciale të Trump dhe më pas orkestroi shkurtime masive për qeverinë federale