Lajme nga Bota

Takimi i parë i Bordit të Paqes më 19 shkurt, dy presidentë dhe një kryeministër thonë se i kanë marrë ftesat nga Trump

Radio Dodona Shk 8, 2026 Pa Komente

Presidentët e Argjentinës dhe Rumanisë thanë të dielën se janë ftuar të marrin pjesë në takimin inaugurues të “Bordit të Paqes” të diskutueshëm të Presidentit të SHBA-së Donald Trump në Uashington më 19 shkurt.

Duke shkruar në faqen e tij në Facebook, Presidenti i Rumanisë, Nicusor, tha se vendi i tij nuk kishte marrë ende një vendim nëse do të pranojë apo jo ftesën.

Javier Milei i Argjentinës tha se do të merrte pjesë në këtë ngjarje, ndërsa nuk do të merrte pjesë në një gala që do të mbahet në rezidencën e Trump në Mar-a-Lago, Florida, të hënën, në të cilën ai kishte planifikuar të merrte pjesë, njoftoi të dielën Shefi i Shtabit të tij Manuel Adorni.

Të shtunën, kryeministri hungarez Viktor Orban tha se edhe ai kishte marrë një ftesë për të marrë pjesë në takim dhe se kishte ndërmend të shkonte.

Trump lansoi “Bordin e Paqes” të tij në Forumin Ekonomik Botëror në Davos në janar dhe rreth 19 vende kanë nënshkruar statutin e tij themelues.

Dhjetëra udhëheqës botërorë kanë marrë ftesa për t’u bërë pjesë e “Bordit të Paqes”. Anëtarët e përhershëm duhet të paguajnë 1 miliard dollarë për t’u anëtarësuar.

Disa vende – përfshirë Kroacinë, Francën, Italinë, Zelandën e Re dhe Norvegjinë – tashmë kanë refuzuar t’i bashkohen atij, dhe të tjerë kanë thënë se mund ta marrin në konsideratë ta bëjnë këtë vetëm nëse statuti i tij ndryshohet.

Sipas statutit të tij aktual, “Bordi i Paqes” e ka Trumpin si kryetar dhe si përfaqësues të SHBA-së

Fotoja skandaloze nga dosja Epstein/ Darkë “e çmendur” mes Musk dhe Zuckenberg

Radio Dodona Shk 8, 2026 Pa Komente

Një fotografi e re e publikuar nga dosjet e Jeffrey Epstein ka rikthyer në vëmendje lidhjet e tij me disa nga figurat më të njohura. Fotoja tregon një darkë të vitit 2015, ku në të njëjtën tavolinë shihen themeluesi i Facebook, Mark Zuckerberg, shefi i SpaceX dhe Tesla, Elon Musk, si dhe bashkëthemeluesi i PayPal, Peter Thiel. Vetë Epstein, më vonë, u mburr se kjo mbledhje kishte qenë “e çmendur”.

Fotografia është publikuar si pjesë e dokumenteve të bëra publike nga Departamenti i Drejtësisë i Shteteve të Bashkuara. Sipas mediave britanike, imazhi ishte dërguar me email nga Epstein dret vetvetes më 3 gusht 2015, vetëm një ditë pasi ai kishte marrë pjesë në këtë darkë luksoze me titanët e teknologjisë. Po ashtu, Epstein kishte edhe një kopje të fotografisë të vendosur në kornizë në apartamentin e tij në Manhattan, çka tregon rëndësinë që ai i jepte këtij takimi.

Nga emailet e përfshira në dosje rezulton se darka ishte zhvilluar më 2 gusht 2015. Disa javë më vonë, në një email të datës 20 gusht 2015 drejtuar miliarderit Tom Pritzker, Epstein e përshkroi këtë takim si “të çmendur”. Ky përshkrim është rikthyer tani në qendër të vëmendjes, teksa rritet shqyrtimi publik mbi marrëdhëniet që financieri i diskredituar kishte me figura shumë të fuqishme nga bota e biznesit dhe teknologjisë.

Pas publikimit të këtyre dokumenteve, personat që përmenden në dosje kanë filluar të minimizojnë çdo lidhje me Epstein. Kjo ndodh ndërsa Departamenti i Drejtësisë ka bërë publikimin e më shumë se tre milionë dokumenteve që lidhen me rrjetin shoqëror dhe aktivitetet e tij, duke hedhur dritë mbi kontaktet e shumta që ai kishte me politikanë, biznesmenë dhe figura publike.

Takimi i parë i Bordit të Paqes, ende s’është finalizuar agjenda, s’dihet sa liderë do ta pranonin ftesën e Trump

Radio Dodona Shk 8, 2026 Pa Komente

Presidenti Donald Trump planifikon ta thërrasë këtë muaj në Washington takimin e parë të Bordit të tij të Paqes, për të mbledhur fonde për rindërtimin e Gazës.

Takimi, i propozuar për 19 shkurt, do të përfshijë si liderë botërorë që pranuan ftesën e Trumpit në janar për t’iu bashkuar bordit, ashtu edhe anëtarë të një komiteti ekzekutiv për Gazën që do t’i mbikëqyrë hollësitë e qeverisjes, sigurisë dhe rindërtimit të territorit, thanë të shtunën dy zyrtarë të administratës Trump, raporton NDTV.

Sipas zyrtarëve, të cilët folën në kushte anonimiteti pasi takimi ende nuk është njoftuar zyrtarisht dhe detajet e agjendës janë ende duke u përcaktuar, nuk ishte menjëherë e qartë se sa liderë do ta pranonin ftesën e presidentit republikan.

Një zyrtar tha se administrata pret pjesëmarrje “të fuqishme”.

Një kopje e ftesës, e cila u dërgua vonë të premten te pjesëmarrësit e ftuar dhe u sigurua nga Associated Press, thotë se takimi do të mbahet në Institutin Amerikan të Paqes, tani i njohur si Instituti Amerikan i Paqes Donald J. Trump, në pritje të një beteje ligjore në vazhdim me udhëheqjen e mëparshme të këtij think tank-u jofitimprurës. Administrata e mori nën kontroll objektin vitin e kaluar dhe shkarkoi pothuajse të gjithë stafin e institutit.

Bordi i ri i Trumpit fillimisht u pa si një mekanizëm i përqendruar në përfundimin e luftës Izrael–Hamas në Gaza. Por ai ka marrë formë me ambicien e tij për një mandat shumë më të gjerë për zgjidhjen e krizave globale dhe duket të jetë përpjekja më e fundit e SHBA-së për t’i anashkaluar Kombet e Bashkuara, ndërsa Trump synon ta riformësojë rendin ndërkombëtar pas Luftës së Dytë Botërore.

Shumë nga aleatët kryesorë të Amerikës në Europë dhe gjetkë kanë refuzuar t’i bashkohen kësaj nisme, të cilën ata dyshojnë se mund të jetë një përpjekje për ta rivalizuar Këshillin e Sigurimit.

Kosova, tashmë është bërë pjesë e këtij bordi.

Kanadaja dhe Franca forcojnë praninë diplomatike në Grenlandë pas interesimit të ShBA-së për ishullin

Radio Dodona Shk 8, 2026 Pa Komente

Kanadaja dhe Franca do të hapin konsullata diplomatike në Nuuk, kryeqytetin e Grenlandës, duke shprehur mbështetje për Danimarkën dhe ishullin arktik mes interesit në rritje të SHBA-së për territorin.

Konsullata e Kanadasë synon të forcojë bashkëpunimin për çështje si klima dhe të drejtat e inuitëve, ndërsa Franca bëhet vendi i parë i BE-së që hap një konsullatë të përgjithshme në Grenlandë.

Vendimi vjen pas deklaratave të Donald Trump për një marrje të mundshme të Grenlandës dhe paralajmërimeve për tarifa ndaj Danimarkës, të cilat më vonë u tërhoqën pas bisedimeve për një kornizë marrëveshjeje mbi sigurinë dhe qasjen në Arktik.

Ndërkohë, SHBA, Danimarka dhe Grenlanda kanë nisur bisedime teknike për një marrëveshje sigurie në rajon.

SHBA-ja akuzon Kinën për testime sekrete të bombës bërthamore

Radio Dodona Shk 7, 2026 Pa Komente

Qeveria e Shteteve të Bashkuara ka akuzuar Kinën se ka kryer në fshehtësi të paktën një test bërthamor që prodhoi shpërthim gjatë viteve të fundit, edhe pse Kina zyrtarisht ka moratorium për testet e tilla.

Këto akuza u bënë gjatë një fjalimi të Thomas DiNanno, nënsekretar i Shtetit për kontrollin e armëve, në një konferencë për çarmatimin në Gjenevë.

Ai tha se Kina ka përdorur teknika për të fshehur shenjat e shpërthimeve bërthamore, duke maskuar aktivitetet për të shmangur zbulimin e tyre nga monitorimi ndërkombëtar, shkruan Washington Post.

Sipas tij, një test i tillë u krye më 22 qershor 2020. Kina është nënshkruese e Traktatit të Ndërprerjes së testeve bërthamore, por nuk e ka ratifikuar atë, ashtu si SHBA-ja.

Autoritetet kineze i hodhën poshtë këto akuza, duke thënë se SHBA po paraqet një narrativë të shtrembëruar dhe se akuzat janë të pavërteta.

Raportohet gjithashtu se Kina është duke zgjeruar arsenalin e saj bërthamor, duke ndërtuar fusha të reja me silo për raketa dhe teknologji të avancuara ushtarake.

Trumpi planifikon takimin e parë të “Bordit të Paqes” për Gazën më 19 shkurt

Radio Dodona Shk 7, 2026 Pa Komente

Shtëpia e Bardhë po përgatit takimin e parë të liderëve të “Bordit të Paqes” të presidentit Donald Trump më 19 shkurt në Uashington, ka raportuar media “Axios”. Takimi, që pritet të shërbejë edhe si konferencë për mbledhje fondesh për rindërtimin e Gazës, është ende në fazat e hershme dhe mund të ndryshojë.

Mbledhja planifikohet të zhvillohet në Institutin Amerikan të Paqes, ndërsa kryeministri izraelit Benjamin Netanyahu do të takojë Trumpin në Shtëpinë e Bardhë një ditë më herët, më 18 shkurt. Administrata amerikane nuk ka komentuar, raporton Reuters.

Trump e lansoi Bordin e Paqes në fund të janarit, duke e paraqitur si mekanizëm për zgjidhjen e konflikteve globale, gjë që ka ngritur shqetësime se mund të minojë rolin e OKB-së. Disa aleatë të ShBA-së në Lindjen e Mesme janë bashkuar, por shumë shtete perëndimore kanë hezituar.

Një rezolutë e Këshillit të Sigurimit të OKB-së e miratuar në nëntor autorizoi krijimin e një force stabilizimi në Gazë, ku nga tetori është në fuqi një armëpushim i brishtë. Ekspertë të të drejtave të njeriut kanë kritikuar Bordin për mungesë përfaqësimi palestinez dhe për ngjashmëri me struktura koloniale.