Radio DODONA

Radio juaj!

Hën. Mar 30th, 2026

Lajme nga BIRK

Lajme nga BIRK

Kryetari i Bashkësisë Islame të Kosovës, Myftiu Naim ef. Tërnava, pret në takim zyrtar kryetarin e DIJANET-it të Turqisë, prof. dr. Safi Arpaguş

Radio Dodona Pa Komente

Kryetari i Bashkësisë Islame të Kosovës, Myftiu Naim ef. Tërnava, ka pritur në një takim zyrtar kryetarin e DIJANET-it të Turqisë, prof. dr. Safi Arpaguş.

Gjatë takimit, Myftiu Tërnava theksoi bashkëpunimin e shkëlqyer vëllazëror ndërmjet dy institucioneve dhe dy popujve, duke e cilësuar atë si një model të mirëkuptimit dhe solidaritetit të ndërsjellë. Ai shprehu falënderim të veçantë për mbështetjen e DIJANET-it në ndërtimin e Xhamisë Qendrore në Prishtinë, restaurimin e disa xhamive në Kosovë, si dhe për bashkëpunimin e vazhdueshëm në fushën e mësim-besimit.

Myftiu Tërnava gjithashtu shprehu gatishmërinë për realizimin e projekteve të reja të përbashkëta në frymën vëllazërore, për të mirën e besimtarëve myslimanë dhe forcimin e mëtejmë të lidhjeve institucionale.

Nga ana tjetër, kryetari i DIJANET-it të Turqisë, dr. Arpaguş, falënderoi Myftiun e Kosovës për punën dhe angazhimin e tij të palodhshëm. Ai vlerësoi lart institucionin e Bashkësisë Islame të Kosovës dhe rolin e Myftiut Tërnava në ruajtjen e traditës islame, kultivimin e vlerave fetare dhe thellimin e bashkëpunimit ndërmjet BIK-ut dhe DIJANET-it të Turqisë.

Lajme nga BIRK

Kryetari i Bashkësisë Islame të Kosovës, Myftiu Naim ef. Tërnava, pret në takim ministrin e Zhvillimit Rajonal dhe të Investimeve dhe Bashkëpunimit me OJQ-të në Qeverinë e Malit të Zi, z. Ernad Suleviq

Radio Dodona Pa Komente

Kryetari i Bashkësisë Islame të Kosovës, Myftiu Naim ef. Tërnava, priti sot në takim ministrin e Zhvillimit Rajonal dhe të Investimeve dhe Bashkëpunimit me OJQ-të në Qeverinë e Malit të Zi, z. Ernad Suljević, i cili shoqërohej nga ambasadori Bernard Qoqaj dhe delegacioni përcjellës.

Gjatë këtij takimi, Myftiu Tërnava e njohu ministrin Suljević me historikun e Bashkësisë Islame të Kosovës, duke theksuar rrugëtimin institucional ndër vite, sfidat dhe kontributin e saj në ruajtjen e identitetit fetar dhe kombëtar. Ai veçoi angazhimet e BIK-ut në fushën e arsimit fetar, aktivitetet humanitare, botimet, ndërtimin dhe restaurimin e objekteve fetare, si dhe rolin e saj në promovimin e paqes, dialogut dhe bashkëjetesës ndërfetare.
Myftiu Tërnava theksoi se Bashkësia Islame e Kosovës ka qenë dhe mbetet e përkushtuar në shërbim të besimtarëve dhe të gjithë qytetarëve, duke kontribuar në forcimin e stabilitetit dhe mirëqenies shoqërore.
Nga ana e tij, ministri Suljević vlerësoi lart rolin dhe kontributin e Bashkësisë Islame në jetën shoqërore, duke shprehur gatishmërinë për bashkëpunim në projekte me interes të përbashkët.

Lajme nga BIRK

Kryetari i DIJANET-it të Turqisë, dr. Safi Arpagus për vizitë zyrtare në Kosovë

Radio Dodona Pa Komente

Kryetari i DIJANET-it të Turqisë, dr. Safi Arpagus po qëndron sot për vizitë zyrtare në Kosovë. Ai u prit në Aeroportin Ndërkombëtar “Adem Jashari” nga kryetari i Bashkësisë Islame të Kosovës, Myftiu Naim ef. Tërnava dhe bashkëpunëtorët e tij.
Myftiu Tërnava i dëshiroi mirëseardhje mysafirit, me urimet më të sinqerta për agjërim dhe ibadete të pranuara.

Kryetari z. Argapus, do të qëndrojë gjatë ditës së sotme në Kosovë, ku me këtë rast do të vizitojë xhamitë e vjetra të qytetit të Prishtinës, si dhe Xhaminë Qendrore, e cila është duke u ndërtuar dhe financuar nga populli mik turk. Ndërkaq, pasdite, ai do të vizitojë Prizrenin dhe Mamushën.

E ke humbur

Lajme nga Vendi

Presidentja Vjosa Osmani premton medalje presidenciale të meritave për ekipin e Kombëtares së Kosovës

Lajme nga Vendi

PDK i kërkon Presidentes Osmani emërimin e anëtarit të dytë në KQZ

Lajme nga Vendi

Kuvendi njofton se në mbledhjen e Komisionit për Legjislacion është formuar grupi punues për shqyrtim të aplikacioneve për anëtarë të KGJK

Lajme nga Vendi

Nagavci: Kosova ka nevojë për të dhëna institucionale të sakta për luftën e fundit