Komisioni Qendror i Zgjedhjeve (KQZ), ka treguar se për të votuar në zgjedhje duhet të kesh letërnjoftim, pasaportë apo patent shofer – me njërin prej këtyre.
Por, Eugen Cakolli nga KDI, ka thënë se KQZ duhet të tregojë se a mund qytetarët të votojnë me dokumente të skaduara.
Kjo pasi ai tha se, në secilin proces zgjedhor ka instruksione të dyfishta – diku duke lejuar, e diku duke pamundësuar votimin me këso dokumente.
“KQZ-ja është mirë të tregojë (qartazi) se a do të lejohen të votojnë ata votues që dokumente me afat të skaduar. Sepse, në secilin proces zgjedhor ka instruksione të dyfishta – diku duke lejuar, e diku duke pamundësuar votimin me këso dokumente”, ka thënë ai.